Самалёт ВПС Расеі збіў украінскі Су-25
- 17.07.2014, 13:00
Украінскі Су-25 быў збіты ракетай, выпушчанай расейскім вайсковым самалётам.
Пра гэта стала вядома са старонкі Рады нацыянальнай бяспекі і абароны Украіны ў сетцы мікраблогаў "Твітэр".
Прадстаўнік РНБА Андрэй Лысенка паведаміў выданню "Украінская праўда" падрабязнасці інцыдэнту.
«16 ліпеня пад 19 гадзін з боку Расеі ўчыненая чарговая правакацыя. Вайсковы самалёт Расейскай Федэрацыі нанёс ракетны ўдар па самалёце СУ-25 узброеных сілаў, які выконваў задачу на тэрыторыі Украіны, - заявіў ён. - Наш самалёт быў збіты, лётчык катапультаваўся і быў эвакуяваны ў бяспечнае месца падраздзелаў. Лётчык цэлы, ранаў не мае", - сказаў ён.
Нагадаем, учора таксама стала вядома аб тым, што тэрыторыя Украіны была абстраляная з установак «Град», размешчаных у Расеі.