У Мазыры аўтобус загнаў легкавік на ходнік (Відэа)

• 17.07.2014, 12:32

На шчасце, ніхто не пацярпеў.

Кіроўца гарадскога аўтобуса ў Мазыры груба падрэзаў «Нісан» і вымусіў яго выехаць на ходнік, пераскочыўшы бардзюр. Кіроўца аўтобуса перасоўваўся, каб аб'ехаць прыпаркаваны аўтамабіль. Гэта можна ўбачыць на відэа канала «Мазыр» на YouTube пачынаючы з 40-й сэкунды.

«Кіроўца аўтобуса ўздымаўся ўгору вуліцай Пралетарскай і не саступіў дарогу аўтамабілю «Нісан», прымусіўшы яго з'ехаць на ўзбочыну. Тым самым, ён стварыў аварыйную сітуацыю. Кіроўца аўтобуса з'ехаў з месца здарэння, але пазней быў знойдзены супрацоўнікамі ДАІ. Паводле факту здарэння складзены адміністрацыйны пратакол. Цяпер ідзе гаворка аб пазбаўленні яго правоў кіроўцы», - кажа Зміцер Дзяркач, інспектар ДПС АДАІ Мазырскага РАУС.