Зорка «Людзей Ікс» і «Хобіта» будзе граць 93-гадовага Шэрлака Холмса

• 10.07.2014, 21:05

Новы фільм пра легендарнага шпіку здымае рэжысёр Біл Кондан.

Брытанскі актор Іэн Макелен, які выканаў ролю Гендальфа ва «Уладару пярсцёнкаў» і «Хобіце», а таксама Магнета у «Людзях Ікс», будзе ўвасабляць 93-гадовага Шэрлака Холмса ў новым фільме «Пчолы містэра Холмса».

Учора ён выклаў на сваёй старонцы ў Twitter фатаграфію сябе ў асобе героя твораў Артура Конан-Дойля.

«Прыблізна 70 актораў гралі ролю Шэрлака Холмса. Цяпер яму ўжо 93 гады, і прыйшла мая чарга», - падпісаў фота 75-гадовы актор.