Пажар у 9-м менскім шпіталі
- 10.07.2014, 16:41
Сёння днём адбыўся пажар у 9-й менскай клінічнай лякарні.
Пра гэта сайту charter97.org стала вядома з афіцыйнага «Твітэру» менскай службы выратавання.
«У 9-м шпіталі на Сямашкі пажар. Нашая тэхніка прыбыла да месца, працуем. Што менавіта гарыць і якія маштабы, пакуль не вядома. Інфармацыя будзе пазней», - паведамляла МНС.
Як удакладніла МНС, у лякарні на Сямашкі адбылося ўзгаранне ўцяпляльніка. Корпус, дзе ўзнік пажар, знаходзіцца на рэканструкцыі.
Пажар быў ліквідаваны за 20 хвілін. Інфармацыі аб пацярпелых няма. З 6 паверха неэксплутаванага корпуса былі эвакуяваныя 8 працоўных.