Аргенцінцы падолелі зборную Нідэрландаў у паўфінале ЧС-2014

• 10.07.2014, 2:16

Зборная Аргенціны выйшла ў фінал турніру.

Асноўны час сустрэчы і два дадатковых таймы па 15 хвілін каманды правялі без забітых галоў, а ў пасляматчавай серыі пенальці больш дакладнымі былі аргенцінцы з лікам 4:2.

Зборная Аргенціны 13 ліпеня на стадыёне "Маракана" у Рыа-дэ-Жанейра сустрэнецца з камандай Нямеччыны. Галандцы днём раней у Бразіліа згуляюць з гаспадарамі турніру бразільцамі ў матчы за трэцяе месца.