Пілоты збітага над Славянскам самалёта выратавалі горад ад разбурэння

• 6.06.2014, 21:41

Пілоты адвялі самалёт, які падаў, ад жылых кварталаў.

Пра гэта паведаміў спікер антытэрарыстычнай аперацыі Уладзіслаў Селязнёў, піша inforesist.org.

Самалёт ВПС Украіны з гуманітарным грузам на борце быў збіты тэрарыстамі з ПЗРК і павінен быў упасці на Славянск, але пілоты зрабілі ўсё магчымае, каб адвесці самалёт ад горада.

Паводле звестак прэс-службы АТА, пілоты змаглі выскачыць з парашутам з палаючага самалёта. Цяпер праводзіцца аперацыя па іх выратаванні і эвакуацыі ў бяспечнае месца.

Варта адзначыць, гэта быў не разведвальны Ан-30, як паведамлялася раней, а транспартны самалёт Ан-26.