Непрызнаная Паўднёвая Асеція прызнала непрызнаную ДНР

• 27.06.2014, 19:27

Прэзідэнт непрызнанай рэспублікі Паўднёвая Асеція Леанід Тыбілаў падпісаў у пятніцу ўказ аб прызнанні суверэнітэту самаабвешчанай Данецкай народнай рэспублікі.

«Улічваючы волевыяўленне народа і зварот вярхоўнай рады Данецкай народнай рэспублікі да прэзідэнта Паўднёвай Асеціі аб прызнанні суверэнітэту ДНР, падтрыманы парламентам рэспублікі Паўднёвая Асеція, пастанаўляю прызнаць ДНР ў якасці суверэннай незалежнай дзяржавы», - гаворыцца ва ўказе, тэкст якога мае «Інтэрфакс».

Тыбілаў даручыў МЗС правесці перамовы аб усталяванні дыпламатычных адносінаў з ДНР.

Раней рада бяспекі Паўднёвай Асеціі на пасяджэнні рэкамендаваў Тыбілаву прызнаць суверэнітэт ДНР.

На мінулым тыдні Паўднёвая Асеція прызнала незалежнасць самаабвешчанай Луганскай народнай рэспублікі.