Кіроўцу амбасады Ірана ў Менску судзяць за кантрабанду наркотыкаў

• 26.06.2014, 19:06

Працэс, прызначаны на 9 ліпеня, будзе адкрытым.

Пра гэта паведаміла прэс-сакратарка Вярхоўнага Суда Юлія Ляскова, піша «Інтэрфакс».

Справу ў абвінавачванні 40-гадовага грамадзяніна Ірана ў кантрабандзе наркотыкаў разгледзіць суд Кастрычніцкага раёна горада Менска.

Грамадзянін Ірана, які меў від на жыхарства ў Беларусі і які працаваў раней кіроўцам дыпмісіі гэтай краіны, 8 сакавіка 2014 прывёз з Ірана 144 г опію і больш 3 000 таблетак трамадола вагой 1,69. Ён абвінавачваецца ва ўчыненні злачынстваў, прадугледжаных ч. 2 арт. 228 КК (кантрабанда) і ч. 3 арт. 328 КК.