Памятная акцыя ў Расеі: напаўаголеныя дзяўчаты станчылі на мануменце Перамогі (Відэа)
- 25.06.2014, 11:24
Неадназначную памятную акцыю зладзіў адзін з танцавальных калектываў Вялікага Ноўгарада.
Дзяўчаты, адзетыя ў кароткія шорты і футболкі, паказалі свой танец проста на пастаменце манумента Перамогі, піша novayagazeta-ug.ru.
Сярод афіцыйных акцый, прысвечаных Дню памяці і смутку, гэты танец не значыўся. Відаць, дзяўчыны наважылі такім неардынарным спосабам прыцягнуць да сябе ўвагу. Людзі, якія назіралі за танцам, выказвалі здзіўленне і пасля таго, як музыка скончылася, падышлі да дзяўчат і нагадалі, што месца, абранае для танцаў, не самае прыдатнае. Танцоркі моўчкі пакінулі сваю «танцавальную пляцоўку».