Мінфін пазычыў у беларусаў $68 мільёнаў

• 24.06.2014, 16:43

Мінфін Беларусі зладзіў другую лікам валютную пазыку на ўнутраным рынку на суму $67,62 млн.

Аналагічная пазыка на такую ж суму была зробленая ў канцы траўня, піша АФН.

Прыцягненне валюты, як і ў траўні, так і 20 чэрвеня праводзілася праз наўпроставы продаж 6 выпускаў валютных ДДА (140-145) з рознымі тэрмінамі сплаты (ад 2-х да 4-х гадоў), якія ўжо сёння дапушчаныя да другаснага абарачэння на БВФБ.

Як правіла, Мінфін праводзіць валютныя пазыкі для абслугоўвання замежнай дзяржаўнай запазычанасці.

Даслоўна 20 чэрвеня Беларусь пералічыла МВФ чарговую порцыю грошай у суме $84,3 млн. Чарговую плату трэба будзе зрабіць 30 чэрвеня.

Акрамя таго, у гэтым месяцы Беларусь павінна была пачаць сплату (абслугоўванне) крэдыту АКФ ЕўрАзЭС, які паступіў у краіну не ў поўным аб'ёме (без апошняга траншу ў $440 млн).