Войска Расеі атрымае 146 новых гелікоптэраў да 2020 года

• 24.06.2014, 12:12

Расейскае войска да 2020 года атрымае 146 ударных гелікоптэраў Ка-52 «Алігатар».

Пра гэта паведаміў у аўторак намеснік міністра абароны РФ Юрый Барысаў, які наведаў Арсеньеўскую авіяцыйную кампанія «Прагрэс» (Прымор'е).

«Завод адчувае сябе ўпэўнена, мае працяглы кантракт на пастаўку 146 гелікоптэраў Ка-52 «Алігатар» да 2020 года, у планах - 32 гелікоптэры карабельнай версіі», - паведаміў Барысаў, адзначыўшы, што карабельнай версіяй будуць ўкамплектаваныя французскія гелікоптараносцы тыпу «Містраль».

Ударны гелікоптэр новага пакалення Ка-52 «Алігатар» абсталяваны сучаснай авіёніка і магутным наступальным узбраеннем, якое можа канфігуравацца пад розныя баявыя задачы, піша ІТАР-ТАСС.

Барысаў таксама паведаміў, што расейскі абаронна-прамысловы комплекс гатовы перайсці на імпартазамяшчэнне на 95% да канца 2014 года.

«Цяпер вялікую ўвагу мы надаем праграме імпартазамяшчэння. На кожны ўзор вайсковай тэхнікі і ўзбраення складзены графік поўнага імпартазамяшчэнні, актуалізаваная ўся наменклатура камплектных агрэгатаў», - сказаў намеснік міністра.

«Работы ідуць паводле графіку, у тым ліку і на наведаных мною прадпрыемствах. Увесь працэс імпартазамяшчэння будзе планава адбывацца, і да канца гэтага тэрміну на 95% залежнасць ад паставак з Украіны будзе знятая», - падкрэсліў ён.

Фота: РІА «Новости»