Парашэнка абвясціў аб спыненні агня на тыдзень

• 20.06.2014, 19:25

Прэзідэнт Украіны Пётр Парашэнка абвясціў аб спыненні агня на паўднёвым усходзе Украіны да 27 чэрвеня.

Пра гэта паведамляе Agence France-Presse.

Прэзідэнт Пётр Парашэнка лічыць, што сямі дзён спынення агню дастаткова для пачатку мірнага ўрэгулявання сітуацыі ў Данбасе.

Пра гэта ён заявіў падчас сустрэчы на набярэжнай Святагорска Данецкай вобласці з жыхарамі і адпачывальнікамі.

Парашэнка адзначыў, што спыненне агня пачнецца 20 і працягнецца да 27 чэрвеня.

"Тыдзень - дастатковы час для таго, каб пачаць працэс раззбраення, для таго, каб дамовіцца, для таго, каб сфарміраваць сумеснае патруляванне, каб забяспечыць буферную зону вакол мяжы. Я ўпэўнены, што гэтага хоча Данбас, гэтага хоча ўся Украіна, гэтага хоча свет", - сказаў Парашэнка, звяртаючыся да людзей, што сабраліся.

Парашэнка таксама распавёў аб сваім плане мірнага ўрэгулявання ў Данбасе.

Нагадаем, Парашэнка заявіў, што агонь з боку ўкраінскіх сілавікоў будзе спынены з 20 да 27 чэрвеня.