Украінскія вайскоўцы вызваляюць Луганск ад тэрарыстаў

• 2.06.2014, 17:56

Украінскія сілавікі пачынаюць поўнамаштабную аперацыю па нейтралізацыі тэрарыстычных груп у горадзе.

Пра гэта піша ў сваім акаўнце ў сацыяльнай сетцы «Фэйсбук» кіраўнік украінскага Цэнтра ваенна-палітычных даследаванняў Дзмітрый Тымчук.

«У прыватнасці, нейтралізацыі (а ў выпадку супраціву - знішчэнню) падлягаюць групы баевікоў, якія дзейнічаюць у раёне будынкаў Луганскай АДА, СБУ, Луганскага памежатрада, а таксама ў іншых раёнах горада», - піша ён.

Дадзеная аперацыя сілавікоў, у якой будуць задзейнічаныя сілы авіяцыі і бронетэхніка, выкліканая выключна дзеяннямі тэрарыстычных груп у Луганску.

Нагадаем, узброеныя баевікі пачалі штурм Луганскага памежатрада ў ноч на панядзелак. Каля 00.30 да ўпраўленне памежатрада прыехалі каля 100 узброеных асоб, першая атака з ужываннем аўтаматаў і падствольных гранатамётаў пачалася каля 4.00. У цяперашні час колькасць узброеных асоб павялічылася па меншай меры да 500 чалавек.

Сёння днём прыкладна ў 16:00 у будынку захопленай баявікамі Луганскай абладміністрацыі прагрымеў выбух. Найбольш верагоднай прычынай называюць неасцярожнае абыходжанне са стралковай зброяй і выбуховымі рэчывамі.

Фота: Reuters