Урад Абхазіі сыходзіць у адстаўку
- 2.06.2014, 11:02
Прэм'ер-міністр Абхазіі Леанід Лакербая сыходзіць у адстаўку.
Пра гэта паведамляе РІА «Новости» са спасылкай на в.а. прэзідэнта Абхазіі Валерыя Бганбу.
«Выконваючым абавязкі кіраўніка ўрада будзе Уладзімір Дэлба», - растлумачыў ён.
Між тым ён растлумачыў, што разам з кіраўніком кабінета міністраў займаныя пасады пакінуць усе члены ўрада.
1 чэрвеня Аляксандр Анкваб заявіў, што падае ў адстаўку з пасады прэзідэнта Абхазіі. В.а. кіраўніка дзяржавы стаў Валерый Бганба.
Нагадаем, парламент самаабвешчанай дзяржавы ў мінулы чацвер абвясціў вотум недаверу прэм'еру Леаніду Лакербаю, а прэзідэнту Аляксандру Анквабу прапанаваў добраахвотна скласці паўнамоцтвы. У суботу парламент краіны прагаласаваў за правядзенне пазачарговых прэзідэнцкіх выбараў 24 жніўня.
27 траўня апазіцыя правяла шматтысячны мітынг і захапіла будынкі адміністрацыі прэзідэнта і нацыянальнага тэлебачання.