Зборная Расеі ўпершыню ў гісторыі згуляла ўнічыю на ЧС

• 18.06.2014, 6:56

Зборная Расеі не здолела перамагчы Паўднёвую Карэю ў стартавым матчы групавога этапу чэмпіянату свету - 2014.

Сустрэча завяршылася з лікам 1:1.

Такім чынам, зборная Расеі ўпершыню ў найноўшай гісторыі згуляла ўнічыю ў фінальных турнірах сусветных першынстваў.

Да гэтага расейцы альбо перамагалі, альбо саступалі. На ЧС-1994 у ЗША Расея саступіла 0:2 Бразіліі і 1:3 Швецыі, а затым разграміла Камерун - 6:1. На турніры ў Японіі і Паўднёвай Карэі ў 2002 годзе расейцы абыгралі 2:0 Туніс, а затым саступілі Японіі (0:1) і Бельгіі (2:3).

Наступны матч зборная Расеі правядзе 22 чэрвеня супраць каманды Бельгіі.