Кіяне перавярнулі аўтамабілі расейскіх дыпламатаў і знялі з амбасады сцяг РФ

• 14.06.2014, 18:35

Удзельнікі акцыі каля амбасады РФ у Кіеве перавярнулі ўверх коламі і паклалі на дах некалькі аўтамабіляў з дыпламатычнымі нумарамі.

Адзін з удзельнікаў акцыі з доўгай вудай з кручком на канцы залез на плот і спрабаваў зачапіць сцяг РФ і зняць яго. У рэшце рэшт, яму гэта ўдалося, перадае Украінская праўда.

Людзі, якія сабраліся, працягваюць закідваць будынак яйкамі, у выніку сцены моцна выпацканыя.

Людзі каля амбасады паступова прыбываюць, падцягваюцца прадстаўнікі самаабароны Майдана.

Праваахоўнікі толькі назіраюць за тым, што адбываецца. Між тым, у двары за будынкам стаяць два аўтобусы з байцамі спецпадраздзялення.

Таксама за тым, што адбываецца, з вокнаў амбасады назіраюць маладыя людзі спартовага целаскладу, апранутыя ў спартыўнае адзенне, у касках і з павязкамі на тварах.