Футбалістка «Барселоны» забіла дзіўны гол з цэнтра поля (Відэа)
- 9.05.2014, 13:11
19-гадовая футбалістка Вірджынія Тарэчыла змагла забіць гол з цэнтра поля ў матчы чэмпіянату Іспаніі супраць «Севільі».
Ёй удалося перакінуць брамніка каманды суперніка, і гэты яе супергол адразу атрымаў фантастычную папулярнасць у Інтэрнэце, піша РБК.
«Барселона» ўжо стала чэмпіёнам, а пасля перамогі над «Севільяй» з лікам 4:0 адарвалася ад найбліжэйшага пераследніка на дзесяць ачкоў. Тарэчыла мае досвед выступленняў за зборную Іспаніі, яна была членам «Чырвонай фурыі» на чэмпіянаце Еўропы 2013 года ў Швецыі. Кумірам юнай футбалісткі, адной з самых прыгожых у каталонскай камандзе, з'яўляецца Хаві. Вірджынія таксама, як і Хаві, выступае на пазіцыі паўабаронцы, і часам ёй атрымоўваецца забіваць вельмі прыгожыя галы. Але мяч, забіты ў вароты «Севільі», стаіць асабняком - усё ж такі, падобнае можна ўбачыць у сучасным футболе не часта.