Вуліца ў Цюмені правалілася ў пяціметровую яму (Відэа)

• 9.05.2014, 11:23

Велізарная яма ўтварылася пасярэдзіне праезнай часткі вуліцы Харкаўскай у Цюмені.

Пасля пракладкі пад дарогай трубаправода вялікага дыяметра адбыўся размыў глебы. У выніку проста пасярод дарогі праваліўся асфальт. Гэта адбылося ў той момант, калі па вуліцы рухалася шмат аўтамабіляў.

На відэа, якое з'явілася ў інтэрнэце, відаць, як пасярод праезнай часткі на вуліцы Харкаўская на асфальце спачатку ўтвараецца ўвагнутасць, а затым правальваецца асфальт. Па паведамленнях відавочцаў, яма атрымалася вялікая, глыбінёй каля пяці метраў і прыкладна такой жа шырыні.

Кіроўцам, якія менавіта ў гэты момант апынуліся паблізу аварыйнага ўчастку, відавочна пашанцавала. Ні адна машына не правалілася, хоць некаторыя былі вельмі блізкія да такога павароту падзей.