Нацбанк абмежаваў курсавую маржу ў абменніках

• 8.05.2014, 12:37

Нацбанк рэкамендаваў банкам абмежаваць ваганні курсу рубля ў перыяд чэмпіянату свету па хакеі.

Чэмпіянат свету па хакеі ў Менску пройдзе не толькі з аднолькавым смакам беларускага піва, але і з аднолькавымі курсамі абмену замежных валют у абменніках дзякуючы чарговай рэкамендацыі Нацбанка РБ, піша АФН.

У прыватнасці рэгулятар рэкамендаваў банкам у абавязковым парадку прытрымлівацца наступнай палітыкі: курсы абмену валют не могуць адхіляцца ад афіцыйнага курсу НБ РБ больш чым на 0,3% па даляры ЗША, больш чым на 1% - па іншых валютах.