Адкрыццё станцыі метро «Малінаўка» адкладаецца на некалькі тыдняў
- 7.05.2014, 16:58
Адкрыць станцыю метро «Малінаўка» ў тэрмін не ўдалося.
Пра гэта паведаміў 7 траўня журналістам у Менску старшыня Менгарвыканкама Мікалай Ладуцька.
Дадзенае рашэнне ён патлумачыў тым, што ўзніклі пытанні з пранікненнем падземных вод у тунэль метрапалітэна.
Па словах кіраўніка Менгарвыканкама, на дадзены момант спецыялістамі праводзіцца інжынерная праца па ліквідацыі дадзенай праблемы.
У астатнім, сказаў Ладуцька, метрапалітэн цалкам гатовы да адкрыцця новай станцыі.
Раней адкрыццё «Малінаўкі» планавалася на 8 траўня.