Беларускім мытнікам абмежавалі выезд за мяжу

• 7.05.2014, 12:55

Супрацоўнікам мытні ўскладнілі паездкі за мяжу.

Пра гэта сайту charter97.org паведамілі ў Дзяржаўным мытным камітэце.

У адпаведнасці з загадам старшыні ДМК Рэспублікі Беларусь № 207-АД ад 15 красавіка 2014 года, работнікам Камітэта, якія нясуць службу на памежных пераходах, колькасць выездаў за межы краіны абмежаваная да аднаго разу ў 8 дзён. Пры гэтым жадаючыя выехаць за мяжу супрацоўнікі павінны папярэдне падаць заяву на імя начальніка і атрымаць яго пісьмовы дазвол.

Варта адзначыць, што сайт charter97.org першым паведаміў пра магчымае абмежаванне на выезд за мяжу для мытнікаў.