9 траўня ў Кіеве існуе пагроза тэракту

• 6.05.2014, 15:41

Улады робяць розныя меры па прадухіленні тэрарыстычнага акту.

Пра гэта паведаміў выконваючы абавязкі намесніка кіраўніка прэзідэнта Андрэй Сенчанка, перадае "Украинская правда".

Каментуючы інфармацыю пра напружанне сітуацыі напярэдадні 9 траўня і пра планаваную актывізацыю дыверсантаў, Сенчанка сказаў:

"Карыстаючыся інфармацыяй сілавых структур, у тым ліку агентуры, нам стала вядома пра тое, што плануюцца рознага роду акцыі для дэстабілізацыі сітуацыі і, магчыма, тэракты".

Па словах Сенчанкі, менавіта таму ў дадзены момант адпрацоўваюцца ўсе напрамкі магчымых аб'ектаў тэрарыстаў. Гэта і грамадскі транспарт, і месцы масавага збору людзей, і магчымыя сутыкненні людзей розных палітычных поглядаў.

Сенчанка таксама дадаў, што ўкраінская ўлада павінна перадаць інфармацыю пра намер пераправіць з Прыднястроўя і мяжы ў Луганскай і Данецкай абласцях ва Украіне вялікую колькасць наркатычных рэчываў.

"Дакладней кажучы, яны плануюць утапіць нашу краіну ў гэтых наркотыках. Таму я звяртаюся да грамадзян: дапамагайце нашым памежнікам выяўляць гэтыя наркотыкі, бо ў вас ёсць дзеці, у нас шмат моладзі, сярод якой гэтыя наркотыкі могуць распаўсюджваць", - заклікаў ён.