На камуфляжы захопнікаў Славянска - шаўроны «Беркута»
- 6.05.2014, 15:10
Тэрарысты носяць камуфляж з шаўронамі «Беркута» з расейскім сцягам.
Блогеры вывучылі знакі адрознення так званага «апалчэння» Данбаса з відэаматэрыялаў, якія былі апублікаваныя ўчора. На іх відаць, што тэрарысты носяць шаўроны «Беркут» з расейскім сцягам. Пра гэта напісаў у сваім акаўнце ў сацыяльнай сетцы «Фэйсбук» журналіст Дзяніс Барысенка.
«Вось і доказ прысутнасці расейскіх вайскоўцаў на тэрыторыі Украіны», - адзначыў блогер.
Нагадаем, што 24 сакавіка 2014 года міністр унутраных спраў Расейскай Федэрацыі Уладзімір Калакольцаў паведаміў, што крымскі «Беркут» захавае сваю назву ў складзе Міністэрства ўнутраных спраў Расейскай Федэрацыі.