Рада Еўропы падтрымала ўнітарны статус Украіны

• 6.05.2014, 12:23

Рада Еўропы падтрымлівае ўнітарную форму дзяржаўнага ладу Украіны.

Гэта падкрэсліў амбасадар Рады Еўропы пры Еўрапейскім Звязе Турбьёрн Фройснэс падчас экспертнай дыскусіі па пытанні канстытуцыйнай рэформы ва Украіне ў аўторак у Брусэлі, паведамляе «Укрінфарм».

«Хачу акцэнтаваць увагу на заяве генеральнага сакратара Рады Еўропы Турбьёрна Ягланда, які адзначыў, што мы працягваем падтрымліваць Украіну з мэтай захавання ўнітарнага статусу дзяржавы», - заявіў амбасадар.

Ён адзначыў, што правядзенне канстытуцыйнай рэформы ва Украіне - пытанне вялікай увагі на вышэйшым міжнародным узроўні. Фройснэс таксама паведаміў, што прадстаўнікі Венецыянскай камісіі Рады Еўропы, які гуляе вядучую ролю ў супрацоўніцтве з Украінай адносна ўнясення змяненняў у тэкст абноўленай Канстытуцыі, у бліжэйшы час плануюць здзейсніць чарговы візіт у Кіеў.

Як запэўніў амбасадар, Рада Еўропы выканае свае абавязацельствы па прадастаўленні дапамогі ў правядзенні канстытуцыйнай рэформы ва Украіне.