Рыцары сышліся ў баі ў Гродна

• 5.05.2014, 12:22

3 траўня ў Гродна прайшоў 14-ы міжнародны фестываль славянскіх баявых мастацтваў.

У рамках фестывалю ў парку Жылібера адбыўся турнір па гістарычным фехтаванні, турнір лучнікаў, бой "Сценка на сценку", рыцарскія турніры, паказальныя выступленні клубаў і спартыўных аб'яднанняў, вайсковых і міліцэйскіх падраздзяленняў. Гледачы маглі самі паўдзельнічаць у баях, піша БелаПАН.

Удзельнікі форуму ўсклалі кветкі да Вечнага агню. У фестывалі ўзялі ўдзел больш за 30 спартыўных і рыцарскіх клубаў з усіх рэгіёнаў Беларусі, а таксама з Расеі.