Пракурора, які аддаў загад выпусціць адэскіх баевікоў, падазраюць у дзяржаўнай здрадзе

• 4.05.2014, 18:31

Пра гэта заявілі ў адміністрацыі прэзідэнта Украіны.

Сайт Цензор.нет атрымаў ад кіраўніка Адміністрацыі прэзідэнта Сяргея Пашынскага каментар пра падзеі, якія сёння адбыліся ў Адэсе, калі з міліцыі былі выпушчаныя арганізатары пабоішча.

«Намеснік генеральнага пракурора Банчук Мікалай Васільевіч прыняў жудасныя сваімі наступствамі пастановы аб вызваленні з-пад варты ўсіх прарасейскіх сепаратыстаў, якіх затрымалі за правакаванне масавай бойкі ў Адэсе.

Адміністрацыя прэзідэнта не разумее, як можна растлумачыць гэта вызваленне з пункту гледжання законаў Украіны. Мы неадкладна будзем хадайнічаць перад генеральным пракурорам Махніцкім аб звальненні Банчука, і перад старшынёй СБУ Налівайчанкам адносна здзяйснення праверкі дзеянняў Банчука ў падазрэнні ў цяжкім дзяржаўным злачынстве і здрадзе», – заявіў Пашынскі.