Баевікі захапілі металургічны завод Ахметава ў Енакіеве

• 4.05.2014, 15:27

Міліцыя не перашкаджае паромам.

У Енакіеве Данецкай вобласці прарасейскія актывісты захапілі металургічны завод - ідзе пагром на тэрыторыі Енакіеўскага металургічнага завода, піша gazeta.ua.

«Вельмі шмат чужых, з бітамі, вялізны натоўп каларадаў увайшоў на тэрыторыю завода ЕМЗ. Гудзе сірэна. Заводакіраўніцтва не кранулі, але швэндаюцца па тэрыторыю завода. Каля выканкама сцяг КПУ і «Данецкай рэспублікі». Перад гэтым захопнікі ў балаклавах разбілі офіс «ПрыватБанка» на плошчы Леніна. Пагромшчыкі з міліцыяй маюць сяброўскія адносіны. Крамы зачыняюцца на шляху пагромшчыкаў», - распавёў сведка падзей, мясцовы жыхар.

Пагромшчыкі выкрыкваюць: «За Адэсу». Працаўнікі завода звязваюць напад на ЕМЗ з тым, што яго калектыў не падтрымлівае рэферэндум аб самавызначэнні Данецкай вобласці.

«Нам начальства загадала ні на які рэферэндум не хадзіць, а большасць нашых і так супраць аддзялення Данеччыны», - кажа крыніца з працоўнага калектыву.

Фота: AP