Польская апазіцыя выйграла выбары ў Еўрапарламент

• 26.05.2014, 11:13

Найбольшую колькасць галасоў набрала партыя "Права і справядлівасць" (PiS).

Дзяржаўная выбарчая камісія Польшчы падлічыла больш за 91% галасоў. Дадзеныя апрацаваных бюлетэняў сведчаць аб тым, што выбары ў Еўрапейскі парламент ад Польшчы ўпершыню за 9 гадоў выйграла апазіцыйная партыя Prawo i Sprawiedliwość, якая ўзначальваецца Яраславам Качыньскім, братам былога прэзідэнта Леха Качыньскага. На дадзены момант яна набрала 32,35% галасоў, піша Gazeta Wyborcza (пераклад - charter97.org).

На другім месцы з 31,29% галасоў Platforma Obywatelska («Грамадзянская платформа»), якую ўзначальвае цяперашні прэм'ер-міністр Дональд Туск. Трэцяе месца за «Саюзам дэмакратычных левых» (SLD-UP). За яго аддалі голас 9,55% выбаршчыкаў. PiS i PO атрымаюць найбольшую колькасць мандатаў - 19.