Акупанты закрылі дзевяць украінскіх банкаў у Крыме
- 26.05.2014, 9:35
Цэнтрабанк Расеі спыніў дзейнасць падраздзяленняў 9 украінскіх банкаў на паўвостраве Крым.
Закрытыя падраздзялення наступных фінустаноў: "Ашчадбанк", "Марфін Банк", "Укрсацбанк", "УкрСіббанк", "Дэльта Банк", CityCommerce Bank, банк "Форум", АўтаКрАЗбанк і "Плацінум Банк".
Дадзенае рашэнне Цэнтрабанк РФ, як паведамляе яго прэс-служба, тлумачыць невыкананнем абавязацельстваў названых банкаў перад крэдыторамі (укладчыкамі).
"Прыняцце Банкам Расеі рашэння аб спыненні дзейнасці на тэрыторыі Крыма і на тэрыторыі Севастопаля структурных падраздзяленняў вышэйзгаданых крэдытных устаноў з'яўляецца падставай для набыцця аўтаномнай некамерцыйнай арганізацыяй "Фонд абароны ўкладчыкаў" правоў па ўкладах і ажыццяўлення кампенсацыйных выплат", - паведамляе Цэнтрабанк.
Дадзеныя банкі фактычна ўжо спынілі сваю дзейнасць у Крыме і не маюць намеру яе аднаўляць да заканчэння акупацыі.