ЦВК Украіны: Пётр Парашэнка - новы прэзідэнт

• 26.05.2014, 22:27

25 траўня быў абраны новы прэзідэнт Украіны, і ім стане Пётр Парашэнка.

Пра гэта абвясціў кіраўнік Цэнтральнай выбарчай камісіі краіны Міхаіл Ахендоўскі, перадае Інтэрфакс-Украіна.

"25 траўня быў абраны новы прэзідэнт Украіны, якім пасля завяршэння ўсіх адпаведных юрыдычных працэдур стане Пётр Парашэнка", - адзначыў ён на брыфінгу ў панядзелак.

Паводле дадзеных апрацоўкі 90,01% пратаколаў у электронным выглядзе, за пазафракцыйнага народнага дэпутата Пятра Парашэнку прагаласавалі 54,22% выбаршчыкаў, лідара Усеўкраінскага аб'яднання "Батькивщина" Юлію Цімашэнка - 13%.