Сепаратысты абвясцілі аб стварэнні «Новаросіі»

• 24.05.2014, 15:46

Самаабвешчаныя «рэспублікі» на ўсходзе Украіны падпісалі дакумент аб аб'яднанні.

Сепаратысты Данецкай і Луганскай абласцей абвясцілі аб стварэнні «дзяржавы Новаросіі». Падпісанне адпаведнага дакумента адбылося ў Данецку, паведамляе «Карэспандэнт» на з'ездзе, ініцыятарам якога стаў Алег Цароў.

Дакумент аб аб'яднанні за зачыненымі дзвярыма падпісалі «прэм'ер-міністр Данецкай народнай рэспублікі» Аляксандр Барадай і «кіраўнік Луганскай народнай рэспублікі» Аляксей Каракін.

Падчас працы з'езда самаабвешчаны «губернатар» Днецкой вобласці Павел Губараў заявіў, што ў «дзяржаву Новаросію» тэрарысты збіраюцца ўключыць восем паўднёва-ўсходніх абласцей Украіны.