З 1 чэрвеня даражэюць цыгарэты

• 23.05.2014, 18:12

У Беларусі з 1 чэрвеня некаторыя тыпы цыгарэт падаражэюць на Br100.

Падаражанне закране прадукаваныя ў Беларусі тытунёвыя вырабы. Кошт Queen colibri, Matrix BLUE, portal ONE падымецца з Br5600 да Br5700. Viceroy Silver, Viceroy Blue і Viceroy Red з 1 чэрвеня будуць прадавацца за Br10500, піша БелТА.

Як паведамлялася, у траўні некаторыя тыпы цыгарэт нават патаннелі. Зніжэнне кошту закранула такія маркі, як Style і West Compact.

Беларускія вытворцы і імпарцёры цыгарэт маюць права штомесяц дэклараваць максімальныя раздробныя кошты тытунёвых вырабаў.