«Сцяна» і Akute выступяць на фестывалі «Дзень радыё» ў Менску

• 23.05.2014, 16:49

Канцэрт пройдзе сёння.

23 траўня ў клубе Re:Public гурты Nizkiz, B:N, «Тлушч» і «Сцяна» прэзентуюць трэкі з будучых альбомаў, а Akute упершыню жыўцом згуляюць з калектывам «Кулі», паведамілі сайту charter97.org у прэс-службе БМАgroup.

Першы фестываль «Дзень радыё» прайшоў у мінулым годзе ў беларускай сталіцы пры ўдзеле гуртоў Neuro Dubel, «Крама», B:N, «Мутнаевока», Pomidor/OFF. Некаторыя з гэтых гуртоў унесеныя ў «чорны спіс» і ўпершыню за доўгі час выйшлі на вялікую сцэну.