У цэнтры Гомеля забаранілі рух матацыклаў
- 23.05.2014, 13:37
На ўчастку вул. Савецкай з'явіліся знакі, якія забараняюць рух матацыклаў з 19:00 да 06:00.
У абласной Дзяржаўтаінспекцыі кажуць, што гэта зроблена ў тым ліку па просьбах грамадзян, якія былі незадаволеныя шумам, піша onliner.by.
У ДАІ ўдакладнілі, што забарона адносіцца таксама да кіроўцаў скутэраў, мапедаў і матарызаваных ровараў. Тут не выключаюць, што вопыт жыхароў дамоў на Савецкай можа натхніць і іншых аматараў цішыні. Аднак пацвердзіць неабходнасць абмежаванняў можна толькі пасля адпаведнага абследавання.