Тэрарысты захапілі чатыры шахты пад Луганскам
- 22.05.2014, 16:14
Баевікі патрабуюць выдаць ім выбухоўку.
У апошнія дні ажыццяўляюцца напады тэрарыстаў на падраздзяленні прадпрыемстваў вугальнай галіны. Паводле дадзеных Міністэрства энергетыкі і вугальнай прамысловасці Украіны, 22 траўня 2014 года, узброенай групай невядомых асобаў ажыццёўлены захоп дзеючых адасобленых падраздзяленняў ПАО "Лісічансквугаль" ("Шахта ім. Д.Ф. Мельнікава", "Шахта "Навадружаўская", "Шахта "Прывільнянская", "Шахта ім. Г.Г. Капусціна") у горадзе Лісічанск Луганскай вобласці.
"У выніку здзейсненага нападу шахты часова прыпынілі вытворчую дзейнасць. Тэрарысты, пагражаючы зброяй, патрабуюць ажыццявіць выдачу выбуховых матэрыялаў. Іх дзеянні ўтрымліваюць усе прыкметы цяжкага крымінальнага злачынства", - гаворыцца ў паведамленні.
Таксама ў Мінэнерга падкрэсліваюць, што ўжо звярнуліся ў СБУ адносна прыняцця неадкладных мер рэагавання.