Сутыкненні ў Мексіцы: больш сотні пацярпелых (Відэа)

• 22.05.2014, 12:39

Буйное сутыкненне паміж паліцыяй і мясцовымі жыхарамі адбылося ў адным з прыгарадаў Мехіка.

Прычынай беспарадкаў стаў пратэст насельніцтва супраць планаў уладаў пабудаваць у раёне Сан-Бартала-Амеялька трубаправод з пітной вадой. Пры гэтым мясцовыя жыхары страцілі б доступ да сваіх традыцыйных крыніц водазабеспячэння, у сувязі з чым гэты праект выклікаў у іх катэгарычную нязгоду, перадае РІА «Новости».

Сярод пацярпелых - 96 мясцовых жыхароў, траўмы атрымалі 44 паліцыянтаў. Дзесяткі пацярпелых былі дастаўленыя ў шпіталі.

Удзельнікі акцыі пратэсту захапілі ў палон шасцярых паліцыянтаў, якіх удалося вызваліць толькі праз некалькі гадзін падмацаванням, якія прыбылі на месца здарэння.