НЗ у менскім метро: кароткае замыканне на «Магілёўскай»
- 22.05.2014, 12:09
Цягнікі на 2-й лініі менскага метрапалітэна не хадзілі каля 7 хвілін.
У тупіку станцыі метро "Магілёўская" сёння адбылося кароткае замыканне ў электрашчыце.
"Было паведамленне пра задымленне ў тупіку на станцыі метро Магілёўская. Ратавальнікі працуюць, перадаюць, што ўсё ў парадку і задымлення ўжо няма", - паведамілі агенцтву "Інтэрфакс-Захад" у чацвер у МНС.
Паводле інфармацыі работнікаў метрапалітэна, спыненне руху цягнікоў склала каля 7 хвілін, у цяперашні час метро аднавіла працу.