У цэнтры Менска з'явілася гарадская «скарбонка»

• 21.05.2014, 15:47

У чашу шаляў новага сталічнага помніка мінакі «скідваюцца» грашыма ў розных валютах.

На Ратушнай плошчы ў Менску з'явіліся напоўненыя папяровымі купюрамі шалі, якія з'яўляюцца часткай нядаўна ўсталяванага помніка.

«Менчукі заўважылі новы помнік з шалямі каля ратушы. Хтосьці туды кінуў купюру, і ўсе пачалі пакідаць там грошы. У асноўным там 50 і 100, але ёсць шмат 500. Я нават знайшла 20 тыс і 100 расейскіх рублёў. Усе падыходзяць, вочы гараць, але грошы сабе не забіраюць» - піша карыстальніца сацыяльнай сеткі Instagram Лізавета Хмяльніцкая.