BE RU EN

Затрыманыя гомельскія вертыкальшчыкі - Банчук і Трызна

  • 20.05.2014, 7:52

Следчы камітэт назваў прозвішчы затрыманых кіраўнікоў Гомельскага аблвыканкама.

Гаворка ідзе пра Віктара Банчука і Віктара Трызну. Пра гэта паведамілі ў прэс-службе Следчага камітэта Беларусі, перадае БелТА.

Першы намеснік старшыні аблвыканкама Віктар Банчук курыруе пытанні сельскай гаспадаркі і галіны, звязаныя з ёй, а намеснік старшыні Віктар Трызна - сацыяльную сферу. Іншыя падрабязнасці расследавання крымінальнай справы пакуль не выдаюцца.

Як паведамлялася, учора гэтыя прадстаўнікі органаў выканаўчай улады былі затрыманыя па падазрэнні ў злоўжыванні ўладай і службовымі паўнамоцтвамі. Іх дзеянні кваліфікуюцца часткай 3 артыкула 424 Крымінальнага кодэкса Беларусі. Крымінальная справа ўзбуджаная Генеральнай пракуратурай па матэрыялах Галоўнага ўпраўлення па барацьбе з арганізаванай злачыннасцю і карупцыяй МУС. Праводзяцца неабходныя следчыя дзеянні.

Апошнія навіны