Тэрарысты абстралялі верталёт з медыкамі ў Славянску: ёсць паранены

• 2.05.2014, 10:11

Баевікі абстралялі верталёт ДСНС, які прыбыў на месца з брыгадай медыкаў для прадастаўлення дапамогі і эвакуацыі.

Паранены адзін з медыкаў. Пра гэта паведамілі УНІАН у антытэрарыстычным цэнтрам пры Службе бяспекі Украіны.

Службай бяспекі Украіны ўстаноўлена, што па ўказанні лідара ўзброеных сепаратыстаў прымаюцца меры па зборы грамадзянскага насельніцтва для выкарыстання ў якасці «жывога шчыта» як у межах горада, так і на блокпостах.

Таксама ў АТЦ паведамілі, што сіламі антытэрарыстычнай аперацыі ўзята пад кантроль дзевяць блокпостаў на ўскраінах Славянска, паранены баец Унутраных войскаў. У цяперашні час Славянск заблакаваны сілавікамі.

Нагадаем, з 6 красавіка расейскія дыверсійныя групы і мясцовыя сепаратысты пачалі планамерныя захопы будынкаў адміністрацый у гарадах усходніх абласцей Украіны. Журналісты заходніх СМІ паведамлялі, што сярод баевікоў прысутнічаюць і беларусы.

У адказ улады Украіны прынялі рашэнне аб пачатку антытэрарыстычнай аперацыі ва ўсходніх рэгіёнах краіны. На Данбас перакінулі вайскоўцаў і тэхніку. 24 красавіка ўкраінская армія пачала вызваленне Славянска.

29 красавіка сепаратысты захапілі ключавыя адміністрацыйныя будынкі ў Луганску - самым ўсходнім абласным цэнтры Украіны. Штурм праходзіў з выкарыстаннем агнястрэльнай зброі. Пад кантролем захопнікаў - абласная адміністрацыя, пракуратура, СБУ, МУС і тэлерадыецэнтр горада.