Amnesty International патрабуе ад Лукашэнкі адмяніць смяротнае пакаранне

• 15.05.2014, 11:47

У Беларусі за гэты год выкананыя ўжо два смяротныя прысуды.

Сёння праваабарончая арганізацыя Amnesty International распаўсюдзіла інфармацыю пра пакаранне смерцю Рыгора Юзэпчука. Адзначаецца, што ў Беларусі два чалавекі зараз чакаюць расстрэлу, паведамляе «Радыё Свабода».

Amnesty International звяртаецца з просьбай дасылаць лісты на імя Аляксандра Лукашэнкі з заклікам неадкладна адмяніць смяротныя прысуды Аляксандру Гарунову і Эдуарду Лукаву, накласці мараторый на смяротнае пакаранне, даць блізкім інфармацыю аб месцы пахавання тых, у дачыненні да каго прысуды былі выкананыя.