Украінцы праводзяць круглы стол нацыянальнага адзінства (Анлайн-трансляцыя)

• 14.05.2014, 17:02

Украінскія палітыкі абмяркоўваюць будучыню краіны.

Да ўдзелу ў працы круглага стала запрошаныя экс-прэзідэнты Украіны Леанід Краўчук і Леанід Кучма, прэм'ер-міністр Арсеній Яцанюк і члены ўрада, народныя дэпутаты, кандыдаты ў прэзідэнты Украіны, кіраўнікі абласных адміністрацый і старшыні абласных саветаў, прадстаўнікі органаў мясцовага самакіравання, навукоўцы, прадстаўнікі рэлігійных арганізацый, бізнес-колаў, грамадскіх і міжнародных арганізацый, грамадскія дзеячы, піша «Корреспондент».

Пра ініцыятыву правядзення такіх круглых сталоў абвясцілі 8 траўня ў сумеснай заяве выконваючы абавязкі прэзідэнта Украіны, старшыня Вярхоўнай Рады Аляксандр Турчынаў і прэм'ер Арсеній Яцанюк.

Мэтай дыялогу з'яўляецца фармаванне нацыянальнага кансенсусу па ключавых для ўкраінскага грамадства праблемах. Напрацаваныя прапановы з удзелам усіх палітычных сіл будуць рэалізаваныя Вярхоўнай Радай Украіны, у тым ліку праз механізмы ўнясення змяненняў у Канстытуцыю і заканадаўства Украіны.