Беларусь правяла новыя вучэнні каля межаў Украіны і Польшчы

• 9.04.2014, 8:29

Мінабароны правяло кантрольны занятак па кіраванні ракетнымі ўдарамі і агнём артылерыі Заходняга аператыўнага камандавання.

Вучэнні прайшлі на палігонах Брэсцкі, Асіповіцкі і Абуз-Лясноўскі, адзначае БелТА.

Кантрольныя комплексныя заняткі па кіраванні агнявой паразай праводзяцца з ракетнымі войскамі і артылерыяй аператыўных камандаванняў у Беларусі кожныя паўгода. Асаблівасць цяперашняга занятка ў тым, што ён прайшоў адразу на трох палігонах. Былі адпрацаваныя пытанні падрыхтоўкі і вядзення баявых дзеянняў выведвальных ударных і агнявых комплексаў, нанясення ракетных удараў, агню артылерыі, кіравання артылерыйскімі групамі рознага складу, а таксама навучання асабовага складу падраздзяленняў вядзенню аўтаномных высокаманеўровых дзеянняў і павышэнню жывучасці.

Нагадаем, некалькі дзён таму стала вядома пра новыя вучэнні ВПС і падраздзяленняў СПА на тэрыторыі Беларусі.