Украінскі палітолаг: Януковіч зрабіў краіну прахадным дваром для ФСБ і ГРУ
- 7.04.2014, 16:41
Данецкая вобласць можа стаць другім Крымам.
Такое меркаванне выказаў палітычны аглядальнік партала Ліга.net Сяргей Высоцкі, каментуючы сайту charter97.org апошнія падзеі ва Усходняй Украіне.
«Калі цяпер у Данецкай вобласці будзе праводзіцца «рэферэндум», то ён будзе праходзіць пад наглядам расейскіх войскаў. То ёсць верагоднасць паўтарэння крымскага сцэнара вялікая», - лічыць эксперт.
Палітолаг падкрэсліў, што некалькіх сепаратыстаў ужо пасадзілі, але праблема ў тым, што іх значна больш.
«Калі б на тую ж Луганскую вобласць было ўсяго два супрацоўнікі ФСБ і закрытая 700-кіламетровая мяжа, то, вядома, было б лягчэй. Але Украіна руйнавалася на працягу 23 гадоў, а канчатковы нож у яе спіну быў усаджаны пры рэжыме Януковіча, які зрабіў краіну прахадным дваром для расейскай агентуры: ФСБ, ГРУ і гэтак далей. Таму на дадзены момант намёртва перакрыць мяжу з Расеяй немагчыма - на гэта проста няма часу. Там, дзе маглі, перакрылі, і наогул, украінскія ўлады вырашаюць сітуацыю на ўсходзе краіны вельмі ўзважана», - адзначыў Сяргей Высоцкі.
Нагадаем, 6 красавіка на ўсходзе Украіны прайшлі сепаратысцкія правакацыі. У прыватнасці, прарасейскія актывісты захапілі абласныя адміністрацыі ў Данецку і Харкаве. У Луганску штурмам узялі СБУ і захапілі філіял Нацбанка. Таксама быў захоплены будынак СБУ і ў Данецку.