Парубій і Налівайчанка едуць у Луганск, Ярэма - у Данецк

• 7.04.2014, 10:47

Кіраўнікі сілавых ведамстваў Украіны адправіліся ў Луганск і Данецк для ўрэгулявання сітуацыі з захопам дзяржаўных будынкаў.

Пра гэта паведаміў намеснік сакратара СНБА Вікторыя Сюмар, піша liga.net.

"Андрэй Парубій (сакратар СНБА) з Валянцінам Налівайчанкам (кіраўнік СБУ) неадкладна вылятаюць у Луганск, Віталь Ярэма (першы віцэ-прэм'ер) - у Данецк, Арсэн Авакаў (кіраўнік МУС) ужо ў Харкаве, там ужо вызвалілі АГА. Усе паўнамоцтвы ў іх ёсць для дзеянняў, якія будуць адэкватнымі для процідзеяння сепаратызму", - паведаміла Сюмар.

Нагадаем, у нядзелю ў Данецку і Луганску сепаратысты захапілі абласныя ўпраўленні СБУ. У Харкаве быў захоплены будынак АГА, але сёння раніцай яго вызвалілі.