Кіроўца BMW апынуўся ў кювеце пасля сваркі з жонкай

• 5.04.2014, 17:36

Супрацоўнікі ДАІ ў Скідзелі затрымалі п'янага кіроўцу, які здзейсніў аварыю напярэдадні позна вечарам.

На момант агляду ўтрыманне алкаголю перавысіла гранічна дапушчальнае больш чым у сем разоў. Пра гэта паведамілі ў прэс-службе ДАІ Гарадзенскага аблвыканкама.

Пры здзяйсненні левага павароту на скрыжаванні кіроўца пралічыўся з выбарам хуткасці і апынуўся ў правым кювеце. Буксаваў у ім прыкладна сто метраў, пакуль не зразумеў, што выехаць не зможа, і пайшоў дадому спаць. Сон перапынілі супрацоўнікі Дзяржаўтаінспекцыі, якія заўважылі ў кювеце на вуліцы Партызанскай BMW з адарваным бамперам.

Са слоў кіроўцы, прычынай такой неасцярожнай язды стала сварка з жонкай у той дзень.