Нарвежскі парашутыст цудам вывернуўся ад метэарыта (Відэа)

• 5.04.2014, 17:07

Парашутыста Андэрса Хелструпа ледзь не збіў метэарыт.

Спартовец здымаў свой скачок на камеру, усталяваную на яго шлеме. У запісах відаць, як у небе нечакана з'яўляецца востраканечны аб'ект. Ён пралятае ўсяго ў некалькіх метрах ад парашутыста. Да гэтага часу Андэрс Хелструп ужо раскрыў парашут, піша Daily Mail .

«У мяне было пачуццё, што адбываецца нешта незвычайнае. Але я не зразумеў, што гэта было», - пазней прызнаўся парашутыст журналістам.

Каб даведацца, што міма яго праляцела, Хелструп паслаў запіс навуковым супрацоўнікам Музея натуральных навук у Осла. Са слоў геолага Ханса Амундсена, яму не трэба было доўга разглядаць запіс, каб зразумець, што гаворка ідзе пра тыповы метэарыт.

Паводле наяўных звестак, выпадак Хелструпа першы ў свеце, калі парашутыст стаў сведкам згаслага ў атмасферы Зямлі метэарыта, які знаходзіцца ў вольным падзенні. «Гэта значна большая рэдкасць, чым тры разы запар выйграць у латарэю», - вобразна ахарактарызаваў тое, што здарылася Амундсен. Відэа наважылі апублікаваць, бо метэарыт да гэтага часу не знойдзены. Навукоўцы просяць дапамогі ў грамадскасці ў яго пошуках.