СБУ вярнула сакрэтную дакументацыю, якую вывезлі ў Крым

• 4.04.2014, 11:48

Дакументы, якія ранейшае кіраўніцтва вывезла ў Крым, удалося вярнуць у Кіеў.

Былое кіраўніцтва СБУ перавезла ў Сімферопаль (Крым) сакрэтную дакументацыю, у тым ліку аб агентурнай дзейнасці, але гэтыя дакументы ў выніку правядзення спецаперацыі ўдалося вярнуць у Кіеў.

Пра гэта ў чацвер 3 красавіка, на брыфінгу паведаміў старшыня СБУ Валянцін Налівайчанка.

Паводле яго слоў, важна даведацца, хто і навошта аддаваў загад на перавозку сакрэтных дакументаў, перадае УНІАН.