Міліцыя затрымала арганізатараў пагромаў у Харкаве

• 30.04.2014, 18:23

Ім пагражае да 15 гадоў пазбаўлення волі.

Праваахоўнікі затрымалі дваіх арганізатараў масавых беспарадкаў у Харкаве, якія каардынавалі свае дзеянні за межамі Украіны, паведамляе прэс-служба МУС.

"Работнікі ГУМВД Украіны ў Харкаўскай вобласці затрымалі Юрыя Апухціна і Спартака Галавачова. Праваахоўнікі ўстанавілі, што мужчыны каардынавалі свае дзеянні за межамі Украіны, пасля чаго арганізоўвалі масавыя беспарадкі і правапарушэнні ў Харкаве", - гаворыцца ў паведамленні.

Затрыманым паведамлена аб падазрэнні ва ўчыненні злачынства, прадугледжанага арт.294 (масавыя беспарадкі) Крымінальнага кодэкса Украіны. Максімальнае прадугледжанае гэтым артыкулам пакаранне - пазбаўленне волі на тэрмін да 15 гадоў. Цяпер разглядаецца пытанне аб абранні ім меры стрымання.

Раней міліцыя Харкава за масавыя правапарушэнні затрымала 13 чалавек.