«Атлант» пераходзіць на чатырохдзёнку

• 3.04.2014, 8:54

На гэтым тыдні завод не будзе працаваць толькі чатыры дні.

Гэта вынікае з загаду генеральнага дырэктара «Атланта» Віктара Шумілы, копію якога ў рэдакцыю сайта charter97.org даслаў чытач.

«У сувязі са зніжэннем узроўню рэалізацыі прадукцыі, недахопам абаротных сродкаў і ў мэтах захавання плацежаздольнасці і эканамічнай устойлівасці арганізацыі загадваю абвясціць 5 красавіка 2014 года днём прастою для работнікаў МЗХ і ЗБТ (акрамя ФАК і інтэрната) з вызваленнем іх ад працы», - гаворыцца ў дакуменце.

Аплата за нерабочы дзень у пятніцу будзе праведзеная ў памеры 2/3 ад акладу.

Нагадаем, раней шэраг іншых буйных беларускіх прадпрыемстваў скарачалі працоўны тыдзень з-за недахопу сродкаў і затаваранасці складоў.